Anoetako Plaza eta Estalkia

Herriko Plaza Anoetako plazarik garrantzitsuena da, eta bi mila biztanleko herri gipuzkoar honetako bizitzaren erdigune nagusia da. Herriaren erdigunean dago, eta bertan daude herriko eguneroko bizitzarako ekipamenduak eta dendak. Gune bizia da, eta askotariko erabiltzaileak ditu.

Gure proiektua Herriko Plaza, San Joan eliza, frontoia eta kirol kantxaren artean kokatzen da. Udalak Parte-hartze prozesu  sortu zuen Anoetako Herritarrekin, euren proposamenak, zalantzak eta dudak entzuteko.

Prozesu horretan, ZÜR studiok aholkulari tekniko gisa lan egin zuen. Ondorioa izan zen Anoetako plazaren oztopo arkitektonikoak kendu beharra zegoela, espazio guztien artean ibilbide irisgarria sortu behar zela eta, ondoren, bigarren fase batean, plazari estalki bat jarri behar zitzaiola herritarrei babesa emateko.